Bafaiz e karam: Tajdaar-e-Ahle Sunnat, Shabeeh-e-Ghaus-e-A’azam, Mujaddid ibn Mujaddide A’azam, Huzoor Mufti-e-A’azam, Muhammad Mustafa Raza Noori Barkati (RadiyAllahu Ta’ala anho)
Sunni Tableeghi Jamaat
Appeal
Support Sunni Tableeghi Jamaat
s
Bismillahir Rahmanir Raheem
Yeh hai Daaman Yeh hai Girebaan Aao koi Kaam Karein
Mausam ka muh Takte Rehna Kaam nahi Deewanon ka.
sunnitableeghijamaat.com Website ke Dekhne wale Nazreen ko hum Mubarak baad pesh karte
hain ke Haq Baat sunne Aur Maslak-e-Alahzrat ko Samajhne ka Jazba lekar woh is website
ko Musalsal dekh rahe hain.
Alimi Tehreek Sunni Tableegi Jamaat hamare Akabir Buzurgon ki Qaim karda Khalis Sunni
Bareilvi Tehreek hai, Jiske Zariye Maslak-e-Alahazrat ki Tarveej-o-Ishaat
Tahaffuz-e-Shariat ki Azeem Khidmaat Anjam de rahi hai.
Sunni tableegi jamaat ke Zariye Ulma-e-Ahle sunnat ko Mumbai ke Alawa Hindustan ke
Mukhtalif Ilaaqon mein bhej kar Wa'az-o-Bayan ke zariye deen wa Sunnat ki Da'awat di
jaati hai aur Badmazhabon, Bad-Aqeedon, Sulaah kulliyon ka Radd-e-Baleegh kiya Jaata
hai.
Iske Alaawa Masajid mein A'imma ka taqreer Makatib mein Mudarriseen ka taqreer kar ke
Nau-Nehaalane Millat ko Maslak-e-Alahzrat ke mutaabiq deeni Taaleem se Arasta kiya Jaata
hai Aur Shoba-e-Nashro Ishaat ke Zariye Kitabein Shaye karke Maslak-e-Alahazrat ko Ghar
Ghar pohonchane ki koshish Jaari hai.
Is Hoshruba Garaani mein Itne Kaaam karne ke liye Kitne Sarmaaya ki Zarurat hai, Aap
Achi tarah Samajh Sakte hain.
Is Liye Aap se Mukhlisaana Guzarish hai ke Ramzanul Mubarak ke Muqaddas wa Babarkat
Mahine mein Zakat, Fitre, Khairat wa Deegar Atayat ke Zariye Alimi Tehreek Sunni
Tableegi Jamaat ka Tawun karein, Taaki ye Idaara Khub Mazboot Mustahaqam hokar Deen wa
Sunniyat aur Maslak-e-Alahazrat ki Zyaada se Zyaada Khidmaat Anjam de sake.
Allah Ta'ala Aap ko Ajr-e-Azeem Ata Farmaye...Ameen.